Uppfyllum þörfina fyrir að gæjast, leggjumst á gatið og laumumst til að skoða nýja sýningu Telmu Har í Myrkraverk Gallery.
Sýningin Don’t look it’s art opnar í Myrkraverk Gallery á Skólvörðustíg 3 miðvikudaginn 23. apríl kl. 16.

Áhorfendur standa fyrir utan gallerýið og horfa inn í gegnum gæjugat á glugga.

Sýningin samanstendur af ljósmyndum sem eru klipptar út og settar saman og gefa þrívíddar áhrif. Listakonan blandar saman ýmsu efni svo sem hári og útsaum sem svo rennur saman við úrklippurnar. Markmiðið er að gefa áhorfanda sjónræna upplifun á draumkenndan hátt og á sama tíma uppfylla þörf okkar til að gægjast og skoða hið óþekkta eða einfaldlega fullnægja forvitni okkar.

Sýningin mun opna 23. apríl í Myrkraverk gallery á Skólavörðustíg 3 og mun standa til 6. maí.

Öll hjartanlega velkomin að leggjast á grúfu á gluggann og kíkja inn í draumaheiminn.