Páskaeggjaleit í Viðey
23, mars 2024
Opið frá: 11.30 - 14.00
Vefsíða
https://elding.is/is/paskaeggjaleit-i-videy
Aðgangseyrir Sjá á opinberri vefsíðu
Kæru vinir, nú getið þið tekið gleði ykkar því hin árlega og vinsæla páskaeggjaleit Eldingar fer fram í Viðey laugardaginn 23. mars í samstarfi við Viðeyjarstofu og Borgarsögusafn Reykjavíkur.
Páskaeggjaleitin er frískandi leikur í fallegri náttúru sem öll fjölskyldan ætti að geta haft gaman af. Leikurinn gengur út á að finna lítil súkkulaði páskaegg en einnig verða nokkrir stærri vinningar fyrir þá sem finna "sérstök egg". Sérmerkt svæði fyrir yngstu kynslóðina (6 ára og yngri) verður á leiksvæðinu á bak við Viðeyjarstofu.
Siglingar hefjast kl. 11:30 frá Skarfabakka og siglt er reglulega yfir þar til leikurinn verður ræstur kl. 12:30 við Viðeyjarstofu. Við biðjum gesti um að fylgja leiðbeiningum starfsfólks varðandi rástíma og leitarsvæði á eyjunni og hafa í huga að leikurinn er ætlaður börnum. Við minnum kappsama á að gæta hófs svo allir getið notið leiksins.
Í Viðeyjarstofu verður hægt að kaupa ljúffengar veitingar sem gott er að njóta innandyra jafnt sem utan. Fyrir þau sem vilja gæða sér á nesti er fín aðstaða bak við Viðeyjarstofu. Minnum á skemmtilegar gönguleiðir um Viðey fyrir þá gesti sem vilja njóta frekari útiveru og skoða útilistaverk á eynni.
Ekkert þátttökugjald er í leitinni en gestir greiða ferjugjald. Athugið það er takmarkaður miðafjöldi í boði og því nauðsynlegt að bóka far fyrirfram með ferjunni á vef Eldingar.
Nánari upplýsingar veitir starfsfólk Eldingar í síma 519 5000 eða með tölvupósti á elding@elding.is.
Hlökkum til að sjá ykkur!