Fersteinn í Mengi
Opið frá: 21.00 - 22.00
Vefsíða
http://www.mengi.net
Aðgangseyrir Sjá á opinberri vefsíðu
Fersteinn er hljómsveit sem hefur verið starfrækt frá árinu 2011 af Guðmundi Steini Gunnarssyni tónskáldi. Auk hans skipa hljómsveitina Lárus Halldór Grímsson, Bára Sigurjónsdóttir og Páll Ivan frá Eiðum. Hljómsveitin leikur ljóðræna tónlist sem byggir á teygjanlegri hrynjandi þar sem málaðar eru upp myndir á ólínulegum formum og hegðunum. Allir flytjendur leika á mörg hefðbundin hljóðfæri, breytt og endurstillt hljóðfæri, leikföng, veiðibúnað og svo fundna hluti af ýmsu tagi.
Nýverið sendi sveitin frá sér skífuna Haltrandi Rósir, en titillag plötunnar er leikið á 4 heimatilbúin og sérstillt langspil. Hljómsveitin hefur komið víða við og leikið á ýmsum hátíðum og viðburðum hérlendis en einnig haldið fjölda tónleika á meginlandi Evrópu.