Kvöldsögustund með Amaconsort
26, mars 2024
Opið frá: 22.00 - 23.00
Vefsíða
http://reykjavikearly.is
Aðgangseyrir Sjá á opinberri vefsíðu
Á þessum kvöldtónleikum beinum við sjónum okkar til Englands á framanverðri sautjándu öld. Svokölluð Masque, eins konar sambland af söngleik og grímuballi, var aðalskemmtun hinnar konunglegu hirðar en þess konar form sést sjaldan á tónleikaskrám dagsins í dag. Amaconsort flytur nú Masque-tónlistina í eigin útsetningum sem bundnar eru í litlar smásögur, sagðar í tónum. Þar á milli hljóma kröftugir dansar sem vinsælir voru á Englandi og Hollandi fyrr á öldum.
Amaconsort skipa Lea Sobbe, Martin Jantzen, Lena Rademann og Halldór Bjarki Arnarson. Barokkhópurinn hreppti fyrsta sæti í alþjóðlegu Van Wassenaer keppninni í Utrecht 2021 og hefur komið fram víðsvegar um Evrópu undanfarin ár. Spuni og nýsköpun skipa stóran þátt á tónleikum hjá Amaconsort, svo að áheyrendum bíður ávallt ný upplifun. Þótt meðlimir séu aðeins fjórir búa þau yfir miklu úrvali af hljóðfærum, stórum og smáum, og uppskera þannig fjölbreytilegan tónvef.
Tónleikarnir eru um klukkustund, án hlés.