Kjarvalskrakkar
18, apríl 2023 - 23, apríl 2023
(sjá dagatal fyrir aðrar dagsetningar)
Opið frá: 10.00 - 17.00
Aðgangseyrir Sjá á opinberri vefsíðu
Kjarvalskrakkarnir í Kvistaborg hafa aldeilis ekki setið auðum höndum þessa vorönn. Kjarval, álfar og tröll tóku yfir allt starf í Kvistaborg og vá þvílíkt fjör! Börnin tóku þemað og gerðu það algjörlega að sínu. Þessa önn opnuðu þau vinnustofu Kjarvals í dúkkó, gerðu málverkið Fjallamjólk í þrívídd, Kjarvalröppuðu, léku sér í Kjarvalsleikjum, máluðu úti í náttúrunni, heimsóttu Listasafn Reykjavíkur á Kjarvalsstöðum, breyttust í tröll og ræddu um lífið og listina. Þetta ferli bauð okkur að ferðast aftur í tímann og kynnast íslenskri menningu og listum, íslensku landslagi, sögum og ævintýrum. Um fram allt annað uppgötvuðum við okkar innri listamann og í leiðinni víkkuðum við út sjónarhorn okkar á lífið og nýttum okkur ímyndunaraflið og möguleikahugsunina til hins ýtrasta.