Ókeypis og öll velkomin!
Fylgið fjólubláum varúlfi í háskaför um alheiminn. POPera er margmiðlunarlistaverk eftir þau Diönu Burkot, trommuleikara Pussy Riot, og fjöllistamannninn Michael Richardt sem máir út mörkin milli tónleika og gjörningalistar. Diana Burkot (AKA Rosemary loves a blackberry) þeytir skífum eftir sýninguna.

Diana Burkot er pródúsent, tónskáld, tónlistarflytjandi (raftónlist, trommur, söngur, hljóðgervill), plötusnúður, listakona, aktívisti og vídeólistakona. Michael Richardt er listamaður sem vinnur mest með tíma og langvarandi gjörninga. Hann skapar kvikmyndir, ljósmyndir, skúlptúra, texta og hreyfingar. Hann trúir á mæðraveldið.