Á sýningunni má finna yfir 300 verk eftir um 100 listamenn í fremstu röð. Þá fagnar Listval einnig eins árs veru í Hörpu en markmið Listvals hefur frá upphafi verið að auðvelda fólki að fjárfesta í myndlist og gera hana aðgengilegri. Á sama tíma og sýningin opnar í gallerínu verða öll verkin einnig til sýnis á heimasíðu Listvals.

Frá opnun Listvals í Hörpu hefur Listval sýnt og selt samtímamyndlist eftir tugi listamanna.

Sýningin stendur frá 3. desember til 7. janúar en opið verður á virkum dögum frá 12-18 og milli 12-16 um helgar.

Hægt er að fylgjast með Listval á Instagram, instagram.com/listval_, og skoða verk á listval.is.