Aðskotadýr er yfirskrift listsýningar Hlutverkaseturs í Bryggjusal Sjóminjasafnsins í Reykjavík.

Forseti Íslands herra Guðni Th. Jóhannesson mun opna sýninguna fimmtudaginn 1. september kl: 16:00. Sýningin verður opin til kl. 19 á opnunardegi.

Aðskotadýr er listsýning Hlutverkaseturs og er viðfangsefni hennar samspil mannskepnunnar við lífríki sjávar og mengun hafsins. Plasti, pappír og ýmsu öðru sem fellur til úr almennu rusli er breytt í furðudýr sem hóta yfirtöku.
Markmið sýningarinnar er að vekja athygli á losun úrgangsefna í sjóinn og stuðla að vitundarvakningu um hnattræna mengun.

Sýningin er undir dyggri stjórn Önnu Henriksdóttur sem er listamaður og listkennari í Hlutverkasetri.

Sýningin stendur út september á opnunartíma Sjóminjasafnsins (10 til 17).