Athugið! Kvöldpassi er í boði öll kvöld hátíðarinnar í Hörpu en hann veitir aðgang að öllum tónleikum viðkomandi kvölds. Ekki er selt inn á staka tónleika á kvölddagskrá í Hörpu.

Ingi Bjarni (píanó), Anders Jormin (kontrabassi), Hilmar Jensson (gítar) og Magnús Trygvason Eliassen (trommur) munu flytja nýja tónlist eftir Inga Bjarna, sem samin er sérstaklega fyrir þessa tónleika á Jazzhátíð Reykjavíkur. Innan tónverkanna verður svigrúm fyrir spunakafla ásamt sveigjanleika í flutningi og túlkun.
Sérstakur gestur er sænski bassaleikarinn Anders Jormin, en Ingi Bjarni naut leiðsagnar hans í námi sínu. Það er óhætt að segja að Anders sé einn færasti kontrabassaleikari Evrópu. Sem tónskáld þá hefur hann gefið út fjölda hljómplatna með eigin verkum, þ.á.m. á þýsku plötuútgáfunni ECM. Hann hefur einnig spilað með fremstu jazz tónlistarmönnum heims á borð við Bobo Stenson, Lee Konitz, Charles Lloyd, Paul Motian, Tomasz Stanko ofl.
Ingi Bjarni : píanó
Anders Jormin : kontrabassi
Hilmar Jensson : gítar
Magnús Trygvason Eliassen : trommur