Kvennakórinn Katla er 10 ára og verður afmælinu fagnað með kórleikhúsi í Tjarnarbíó.

Á tónleikunum verður hefðbundnum kórgildum ögrað með kröftugum, valdeflandi hljómi þar sem kvenorkan verður allsráðandi en hefðbundið tónleikaform verður víðs fjarri.

Frá fyrstu tíð hefur kórinn haft það að meginmarkmiði að valdefla konur í gegnum söng og sviðsframkomu. Hópurinn hefur góðri velgengni að fagna og komið mjög víða fram.

Kórstýrur eru Hildigunnur Einarsdóttir og Lilja Dögg Gunnarsdóttir.