Málverkið Háteigskúpa eftir Aron Leví Beck (albeck) verður til sýnis á Naglanum í Borgarbókasafninu Sólheimum frá 6. maí og út júní. Verkið er fengið að láni úr Artótekinu, sem er til húsa í Borgarbókasafninu Grófinni. Erna Olsen, bókavörður í Sólheimasafni, valdi verkið að þessu sinni: „Heillandi litir og grípur augað strax þegar maður sér verkið.“

Aron er fæddur árið 1989 og er lærður húsamálari, þaðan sækir hann bæði þekkingu og handbragð sem nýtist honum við sköpunarferlið. Stundum veit hann ekki nákvæmlega af hverju hann málar, en hann veit það eitt að svarið skiptir ekki jafn miklu máli og spurningin.

Naglinn er heitið á sýningaröð á Borgarbókasafninu Sólheimum og er þetta 10. sýningin í röðinni. Hver sýning samanstendur af einu listaverki. Áhugasamir geta keypt verkið eða leigt það á kaupleigu en þá eignast viðkomandi verkið þegar það hefur verið greitt upp. Sé sýningarverkið keypt (eða leigt) má kaupandinn velja, úr Artótekinu, hvaða verk verður næst til sýnis á Naglanum.

Verkið er hægt að leigja á 4.000 kr. á mánuði eða kaupa á 120.000 kr.

Nánari upplýsingar um Artótekið, listamanninn og verkið á https://artotek.is