Opin ‘battles’ fyrir 16 ára+ street dansara á framhaldsstigi, frábær tónlist og opið dansgólf fyrir alla áhugasama undir handleiðslu DJ Stew frá París/Osló. Öll velkomin að horfa, öll velkomin að taka þátt.

Viðburðurinn er hluti af Unglist, listahátíð ungs fólks sem er vettvangur fyrir ungt upprennandi listafólk þar sem skáldskapur og myndsköpun fá að flæða frjálst, í takti við tónlistarveislur, óheftan dans, lifandi leiklist og aðra viðburði þar sem sköpunargleðin er í öndvegi. Unglist er hátíð nýrra strauma og fjölbreytileika. Taktu þátt í ævintýrinu þér að kostnaðarlausu og njóttu töfra listarinnar á ókeypis viðburðum Unglistar!