Hvað er hreimur? Hvernig tengist hann sjálfsmynd þeirra sem tala með hreim? Hvernig bregðumst við í daglegu lífi við hreim sem er okkur framandi? Í þessari málstofu munum við ræða þessar og fleiri spurningar sem kunna að hafa áhrif á samskipti í daglegu lífi.

Stefanie Bade lauk BA-prófi í norrænum fræðum við Humboldt háskóla í Berlín í Þýskalandi og meistaraprófi í þýðingafræði við Háskóla Íslands. Hún starfar sem aðjunkt og nýdoktor í Íslensku sem öðru máli við Háskóla Íslands.

“Ég er útlendingur á Íslandi og mér finnst forvitnilegt að komast að því hvernig fólk bregst við þegar það heyrir mig tala með hreim og hverjar séu ástæður þess.“ - segir Stefanie

Málstofan er frá 12:45-13:30 og er á íslensku með hreim.

Skráning: https://forms.office.com/e/sJPDxsK7pf