Endurspeglun samtíma og varðveisla fortíðar – þetta er aðsetur ljósmyndunar í Reykjavík.
Safnið stendur fyrir fjölbreyttum ljósmyndasýningum á verkum samtímaljósmyndara og eldri meistara í faginu, innlendum sem erlendum. Inn af safnbúð eru snertiskjáir með yfir þúsund ljósmyndum – valdar af kostgæfni úr safnkosti sem telur á sjöundu milljón mynda, teknar 1860-2020. Menningarverðmæti sem gefa góða innsýn í þær breytingar sem hafa orðið á íslensku samfélagi í áranna rás.