Frístundaheimilið er starfrækt fyrir börn í 1. – 4. bekk í Ingunnarskóla og er rekið af frístundamiðstöðinni Brúnni.

Í Stjörnulandi eru haldnir barnaráðsfundir í hverjum mánuði og það er mismunandi eftir mánuðum hvaða börn sitja fundina svo öll börn hafa tækifæri á að vera í barnaráði. Á þeim fundum hafa börnin tök á að koma sínum skoðunum á framfæri um hvað þau vilja gera í starfinu og í lok fundar ákveðum við dag sem þau ráða síðdegishressingu og ávaxtaúrvali dagsins ásamt þema.

Í lok hvers mánaðar er afmælishátíð fyrir afmælisbörn þess mánaðar. Þá fá afmælisbörn mánaðarins afmælis borðabúnað, afmælisviðurkenningu ásamt afmælis medalíu um hálsinn með afmæliskveðju á. Svo er að sjálfsögðu boðið upp á afmælisköku eftir síðdegishressinguna.

Forstöðumaður er Katrín Einarsdóttir