Trekant Jóels
Opið frá: 21.00 - 22.30
Vefsíða
http://www.mengi.net
Aðgangseyrir Sjá á opinberri vefsíðu
Jóel Pálsson saxófónleikari býður gítarleikurunum Guðmundi Péturssyni og Hilmari Jenssyni í tónlistarlegan trekant í Mengi þ.26.febrúar. Efnisskráin verður handahófskennd en eins og í öllum góðum treköntum má búast við klóri, strokum, ýlfri og stunum frá félögunum þar sem togast á frjáls leikur og meitlaðar fyrirskipanir.
Jóel Pálsson hefur verið atkvæðamikill í íslensku tónlistarlífi að undanförnu og tekið þátt í fjölmörgum verkefnum á ólíkum sviðum tónlistar. Eftir að hafa útskrifast frá Tónlistarskóla FÍH og Tónmenntaskóla Reykjavíkur hélt hann til náms við Berklee College of Music í Boston, Bandaríkjunum og útskrifaðist þaðan 1994. Jóel hefur leikið á fjölda hljómplatna og komið fram í Evrópu, USA, Kanada og Kína á tónleikum og tónlistarhátíðum.
Hefst kl. 21 og miðverð er 2.000 kr.