Bakarameistarinn opnaði í Suðurveri 18. febrúar 1977 og hefur þjónað Hlíðahverfinu með mikilli ánægju í 40 ár. Frá upphafi hefur Suðurver verið þekkt fyrir líflegt og skemmtilegt andrúmsloft þar sem alúð hefur verið lögð við að sinna óskum viðskiptavina, en sérstök áhersla hefur verið á hraða og örugga úrvalsþjónustu á staðnum. Fjölbreytt úrval er af brauði, bakkelsi og tertum í Suðurveri sem ávallt er til reiðu þegar dyrnar opna fyrir morgunhana kl. 6.30 (7 á sunnudögum). Næg bílastæði í grenndinni ásamt góðu aðgengi gera það að verkum að ekkert er einfaldara en að hoppa út úr bílnum við Suðurver og grípa með sér nesti fyrir daginn.