Frístundaheimilið Neðstaland í Fossvogsskóla hefur umsjón með skipulagðri tómstundadagskrá fyrir börn í 1. – 4. bekk í Fossvogsskóla. Dagskrá hefst við lok venjulegs skóladags kl. 13:40 og henni lýkur kl. 17:00.

Neðstaland er eitt af átta frístundaheimilum sem tilheyra Kringlumýri, frístundamiðstöð Laugardals, Háaleitis og Bústaðahverfis. Kringlumýri sér einnig um rekstur fimm félagsmiðstöðva og frítímastarfs fatlaðra. Hægt er að skoða heimasíður allra þessara starfsstaða í gegnum heimasíðu Kringlumýrar.