<p data-block-key="79gzh">Komið í skemmtilegan ratleik í Hallsteinsgarði í Grafarvogi á Barnamenningarhátíð í Reykjavík, laugardaginn 22. apríl. Ingibjörg Hannesdóttir verkefnastjóri fræðslu í Listasafni Reykjavíkur verður á staðnum milli kl. 13 og 14.30 og leiðbeinir og aðstoðar, en ratleikurinn er hluti útilistaverkaapps Listasafns Reykjavíkur. Hægt er að sækja appið í gegnum App Store og Google Play (search: Reykjavikartwalk). Í leiknum eru 8 áskoranir og við hvert listaverk í garðinum opnast skemmtilegar auðveldar spurningar sem veita verðlaun fyrir rétt svar og leiða svo að næsta listaverki. Skemmtilegur leikur fyrir alla fjölskylduna! Munið að koma vel klædd– því stundum næðir á þessum dásamlega fallega stað! Ath. Nauðsynlegt er að koma með eigin síma til að geta farið í leikinn – en einn sími er nóg á hverja fjölskyldu!</p>