Jólaseiður á Vetrarsólstöðum
22, desember 2022
Opið frá: 18.00 - 23.30
Aðgangseyrir Sjá á opinberri vefsíðu
Verið öll hjartanlega velkomin á Jólaseið í Dauða Galleríinu, í Brynju-portinu við Laugaveg 29.
Samkoman hefst í portinu klukkan 18:00, með eldi, öli og rjúkandi fiskisúpu, og ljúfum tónum úr sjötommusafni Símonar Rúnarssonar.
Klukkan 19:00 færum við okkur inn í Galleríið og sköpum þar notalega baðstofustemningu.
- Friðgeir Einarsson, leikskáld og rithöfundur, töfrar eitthvað óvænt úr pokahorninu.
- Kristín Eiríksdóttir, rithöfundur, les úr nýútkominni skáldsögu sinni.
- Kristín Ómarsdóttir, ljóðskáld, flytur ljóð úr eigin smiðju.
- Líneik og Hallberg Daði, leika fyrir dansi.
- Magnús Björn Ólafsson, myndasöguhöfundur, les jólasögu.
- Teitur Magnússon & Steinunn Eldflaug spila jólalög.
- Miðbæjarskáldið Valdimar Tómasson les ljóð.
- Leynigestir stíga á stokk.
- Psychotic Simon þeytir skífum inn í nóttina.
Aðgangur er ókeypis og allir eru velkomnir á meðan húsrúm leyfir, en Jólaseiður er hluti af viðburðaröð Jólaborgarinnar.