LISTAPÚKINN: Kynjaverur, móðir mín og ég
04, desember 2022 - 22, desember 2022
(sjá dagatal fyrir aðrar dagsetningar)
Opið frá: 10.00 - 17.00
Vefsíða
https://nordichouse.is/vidburdur/listapukinn-thorir-gunnarsson/
Aðgangseyrir Sjá á opinberri vefsíðu
LISTAPÚKINN – Þórir Gunnarsson
Verið velkomin á opnun sýningarinnar 4. Desember klukkan 15:00
í andyri Norræna hússins.
Heiðarleiki, heilnæmi og einlægni eru lykiláherslur í verkum Þóris.Verk hans eru ævintýraleg, lituð töfrum og stundum glettni. Þórir lýsir með einföldu myndformi einstöku sambandi mæðra og barna sem njóta félagsskapar hver annars. Bjartir og ónáttúrulegir litir, gróf teikning, bjöguð sjónarhorn og einfaldleiki í mótífum eru meðal áberandi einkenna verka hans og sýna grípandi frumleika í list hans.
Í þessum málverkum, sem eru full af litum og persónum, er ytri tjáning tilfinninga málarans algjörlega áberandi. Verk hans spretta fram í frjálsri tjáningu, byggðri á umhverfi listamannsins og mjög persónulegri athugun hans á viðfangsefninu. Þó að verk Þóris séu persónuleg eru þau oft kunnugleg og þau vekja upp löngunina að „tilheyra samfélagi“.