Jazz tríóið Popp'n'Jazz mun skjóta upp höfðinu hér og þar á Hafnartorgi á milli 14 og 16. Tríóið er skipað þeim Halla Guðmunds kontrabassa, Mikael Mána á gítar og Birki Blæ á saxofón. Tríóið leikur sumarjazz í bland við þekkt popplög í jazz búningi. Um kl 15:30 verða svo Skemmtikraftakarlarnir mættir á svæðið með allskonar glens. Þeir draga að sér mannskap og setja upp 30 mínútna sýningu sem felur í sér stórhættuleg og ótrúleg atriði sem við hin getum alls ekki framkvæmt. Þeir munu meta það hvar mesti fólksfjöldinn er og setja upp sýninguna þar.