Sýningin nær yfir tímabilið frá sundvakningunni við upphaf 20. aldar til dagsins í dag. Sagan sem hún segir af sundlaugamenningu er um leið ylvolg sagan af íslensku nútímasamfélagi með létti angan af klór og hveralykt, gufuslæðu og skvampi.
Sýningarstjórar eru Valdimar Tr. Hafstein þjóðfræðingur og Brynhildur Pálsdóttir hönnuður en sýningin er unnin í samstarfi við Háskóla Íslands. Aðgangur er ókeypis í febrúar, opið alla daga 12-17 nema mánudaga.