Artótek | Naglinn: Án titils
01, janúar 2022 - 28, febrúar 2022
(sjá dagatal fyrir aðrar dagsetningar)
Opið frá: 10.00 - 15.00
Vefsíða
https://borgarbokasafn.is/vidburdir/syningar/artotek-naglinn-titils
Aðgangseyrir Sjá á opinberri vefsíðu
Ótitlað málverk eftir Ingibjörgu Hauksdóttur verður til sýnis á Naglanum í Borgarbókasafninu Sólheimum í janúar og febrúar. Verkið er fengið að láni úr Artótekinu, sem er til húsa í Borgarbókasafninu Grófinni.
Ingibjörg Hauksdóttir hefur stundað listnám á meginlandi Evrópu, vesturströnd Bandaríkjanna og í Reykjavík ásamt því að vera lærður jógakennari. Hennar markmið er að skapa list sem nærir sálina.
Kaupandinn á síðasta sýningarverki Naglans valdi verkið og sagði að það hefði hrifið sig strax, litirnir væru svo fallegir og mikil gleði sem fælist í því.
Naglinn er heitið á sýningaröð á Borgarbókasafninu Sólheimum og er þetta 8. sýningin í röðinni. Hver sýning samanstendur af einu listaverki. Áhugasamir geta keypt verkið eða leigt það á kaupleigu en þá eignast viðkomandi verkið þegar það hefur verið greitt upp. Sé sýningarverkið keypt (eða leigt) má kaupandinn velja, úr Artótekinu, hvaða verk verður næst til sýnis á Naglanum.
Verkið er hægt að leigja á 5.000 kr. á mánuði eða kaupa á 160.000 kr.
Nánari upplýsingar um Artótekið, listamanninn og verkið á https://artotek.is