Jólaþorpið í Hafnarfirði er jólamarkaður á Thorsplani í miðbæ Hafnarfjarðar sem verður opinn alla laugardaga og sunnudaga á aðventunni frá kl. 13-18 og iðar af lífi og fjöri í kringum jólin. Í miðbæ Hafnarfjarðar er allt til alls þegar kemur að verslun og þjónustu. Vertu velkomin(n) að kíkja í litlu jólahúsin og verslanir, veitingastaði og söfn bæjarins í nágrenninu.

Fagurlega skreyttu hafnfirsku jólahúsin eru fyrir löngu orðin landsþekkt fyrir ýmisskonar spennandi gjafavöru, sælkerakrásir, handverk og hönnun. Þar er tilvalið að leita að hinni fullkomnu jólagjöf á meðan þú nýtur gómsætra veitinga sem ylja að innan.

Til Hafnarfjarðar er notalegt að koma á aðventunni, njóta og hafa gaman saman. Hafnarfjörður er sannkallaður jólabær þar sem fjölskyldur og vinahópar upplifa hlýlega og afslappaða jólastemningu og lystigarðurinn Hellisgerði verður fallega skreyttur og prýddur ljúfum jólaljósum í desember. Jólasveinarnir koma í heimsókn í Jólaþorpið á laugardögum og Grýla verður á vappi um á sunnudögum!

Höfum það huggulegt saman á aðventunni.