Hvaða bækur eru ómetanlegar og hvaða bækur má grisja? Hvers vegna er svona erfitt að henda bókum?

Á bókakaffinu setjast rithöfundarnir Ragnar Helgi Ólafsson og Arndís Þórarinsdóttir niður og ræða tilurð bóka sinna (Bókasafn föður míns og Bál tímans), rannsóknarferlið og eigin ástríðu fyrir bókum. Hvenær er komið nóg? Hvenær er komið of mikið? Bókabúðir, bókasöfn, bækur af internetinu. Ljóð um bækur, lestrarupplifunin. Kiljur og innbundnar bækur, upprunalega útgáfan eða endurprentun. Og gjörðin að brenna bækur sem seljast ekki á útgáfudegi...