Fornar rætur Árbæjar – ná þær til landnáms?

Fornar rætur er yfirskrift fornleifarannsóknar sem fram hefur farið við gamla Árbæ undanfarin sumur. Fimmtudagskvöldið 27. maí kl. 20 mun stjórnandi rannsóknarinnar, Sólrún Inga Traustadóttir, leiða gesti um uppgraftarsvæðin á bæjarstæði Árbæjar og segja frá rannsókninni og þeim minjum sem hafa nú þegar komið í ljós.

Markmið rannsóknarinnar er að varpa ljósi á búsetusögu og þróun Árbæjar ásamt því að miðla fornleifafræði og niðurstöðum til almennings. Undi lok leiðsagnarinnar gefst gestum kostur á að taka þátt í að móta nýjar rannsóknarspurningar með því að taka þátt í könnun.

Leiðsögnin er ókeypis.